巴剎，即馬來西亞話的街市，今次跟周中師傅晨咁早殺入燕尾巴剎搵食，他說一場來到，點都要試吓馬拉式早餐，還口噏噏說：「一日之計最重要當然係勒死你阿媽！」平時百厭又寸嘴的他，竟然要勒死人阿媽咁陰毒？大家別誤會，原來「勒死你阿媽」（Nasi Lemak）係馬拉語，中文即椰漿飯，此飯是最地道的馬來西亞早餐。

來到一號舖、有十二年歷史的椰漿飯專門店，見老闆娘Sabariah兩三吓手勢就整好一碟「勒死你阿媽」，基本材料包括椰漿煮成的飯、青瓜、雞蛋、辣椒醬、魚乾、花生等，香氣撲鼻。師傅話要大份啲，於是加埋咖喱牛肉，還有雞、羊或墨魚選擇，相當豐富。椰漿飯入口飯粒充滿椰香，而參巴辣醬辣得夠惹味，一口接一口很快便食完，最後還要加碼打包拎走。

「勒死你阿媽」材料雖然簡單，但味道相當豐富。RM1.5（約HK$3.3）起	炸到香口的松魚頭，加上魚香的湯底，好味得要再添一碗。RM6（HK$13）。	李老闆在巴剎開檔已十年，他的松魚頭米線大受歡迎。

蒸咖央包　脆炸魚頭

街市最旺的經瑞茶室，人頭湧湧，這裏最出名是海南茶和咖央包，海南茶其實有點似港式鴛鴦，不過咖啡味少啲，茶味多啲，入口充滿茶香。在馬拉，咖央多士見怪不怪，茶室卻自創咖央餐包，除了烘焙還隔水蒸熱，做法自成一格。周師傅一邊食一邊大讚包夠鬆軟，咖央醬夠濃郁，轉眼間食完一個又一個。

經瑞茶室一早已逼滿了人，針都插唔入。	周師傅又搞搞震，走入茶室偷師學沖茶。	吉隆坡的巴剎，大多是露天攤檔。

周師傅還叫我一定要試魚頭米線，當中以「友力魚頭米線」最出色，皆因老闆李先生用上較貴的松魚頭，炸到又脆又香，再用上雞骨、細魚乾、左口魚熬製而成的湯底，白雪雪的湯頭，配上香脆的松魚頭兼爽口米線，好味到連湯都飲埋。再來一碗吖，唔該！

燕尾巴剎

地　　址：Imbi Market , Pasar Bukit Bintang, Jalan Melati, 55100, Kuala Lumpur

營業時間：6:30am-12:00pm

交　　通：從市中心的雙子塔附近乘的士，約十分鐘可到達。

美味大牌檔

平時甚少吃大牌檔，皆因坐得唔舒服，不過在吉隆坡搵食，大牌檔是必然的選擇。在燕尾巴剎，全都是營業十多年的老字號，食物相當有水準，而且幾蚊港幣就有交易，對大牌檔開始有些改觀。

旅遊資訊

簽　證：持BNO或特區護照均毋須簽證

機　票：乘馬來西亞航空由香港至吉隆坡，來回經濟客位機票約HK$1,310起 （二人同行）

旅行團：永安旅遊的周中師傅馬來西亞美食五天之旅， 八月四日出發，價錢由HK$5,299起。查詢：2928 8882

貨　幣：RM1約兌HK$2.2

天　氣：七月份氣溫約24℃-33℃