女星鍾意着Deep V、博出鏡，唔通曼聯件新主場波衫都玩成咁？非也非也，紅魔鬼嘅「大V」Cutting好有意義架！話說1909/10年球季嘅曼聯波衫，心口就係Chevron形式嘅V字設計，呢一年仲係「夢劇場」奧脫福正式啟用嘅年份；今年既然係奧脫福百歲大壽，所以新波衫一於用復古風格致敬，點解用黑V唔用白V，黑色有霸氣啲嘛！唔只心口嘅「大黑V」，就連背部嘅透氣孔都係V字排列，寓意曼聯對勝利（Victory）嘅不斷渴求，着住佢，士氣大振啦！

曼聯主場球衣$479	曼聯主場球褲$239	曼聯主場球襪$89

Tiempo球感行先

唔只奧脫福，Nike嘅Tiempo球靴系列都係足球界嘅經典，呢款於一九八四年面世嘅球靴，向來以典雅造型及出色球感馳名，九十年代有簡東拿，依家就有阿古路、派路、法比加斯及朴智星，都係Tiempo嘅用家。新一代Tiempo已經推出，鞋面用咗柔軟嘅袋鼠皮，舒服之餘又有球感，鞋底及鞋墊都用咗新設計，令Tiempo嘅用家從容地施展凌厲腳法。
查詢：2388 8382、2375 2175

用咗Poron Cushioning技術的鞋墊，薄身之餘仲有理想嘅緩震效果。	Nike Tiempo Legend Ⅲ FG$1,049	外底前後採用分割式設計，有助減輕重量。