今年六月Michael Jackson猝然而逝，傷透全球歌迷的心，也養肥了唱片公司老闆的肚皮，皆因一系列舊唱片重出即賣斷市。本地MJ狂迷Michael Wong對一眾發死人財者相當不齒，他收藏了過百件MJ紀念品，從未想過出售：「無MJ就無我，我做舞蹈員都係受佢啟發，我寧願餓死，都唔會放上網任人Bid It！」
就在MJ過世之際，專輯及相關紀念品突然變搶手貨，一上架便被搶購一空，唱片舖賣到缺貨，補貨也來不及。事實上，當中大部分均為年份較新的專輯，例如《King of Pop》等，談不上「激罕」，Michael認為︰「MJ的唱片好比紅酒，出產日期愈久就愈珍貴，Jackson 5年代與Motown合作的唱片不在話下，還有一些舊演唱會，由於當年官方無出，因此Bootleg版往往比其他正版更罕有。」Michael手中便有《Thriller》初版，連膠袋封裝都未拆，eBay目前炒到US$620一張，咪話唔誇張！
遠征英倫掃貨
連名字都跟偶像一樣，Michael必然是狂迷，原來當初他從父母口中聽到MJ整容、孌童等傳言，對其人相當反感，直至九五年在明珠台看到他的《Scream》MV：「一睇就中招，依家唔聽唔舒服！」自此瘋狂搜購其專輯及產品，試過用晒半個月零用錢為買一隻《History》，也飛到英國的二手跳蚤市場，逐間舖頭搵珍品：「香港淨係買到佢嘅碟，但好多訪問、歌詞集及音樂雜誌，外國先有，就算自己去唔到，都會託朋友帶番嚟畀我！」
圖文集至有Heart
多年來為MJ珍藏花費了多少，Michael不違言只有五位數字：「MJ未過身前，佢啲嘢根本唔算值錢，係依家人死咗先炒高晒！」Michael表示，若真的愛MJ，與其出高價買其舊專輯，倒不如從書籍慢慢了解他，他特別提到《Michael Jackson：Visual Documentary》圖文集：「呢本書記錄了MJ由出生到三十歲的生活軼事，你可以睇到佢參與嘅慈善活動，以及每次演唱會前的籌備心情及花絮。」Michael強調MJ每件產品背後均有其意義，並非金錢能夠衡量。
儲碟為教跳舞
受MJ影響，Michael選擇以舞蹈員為終身職業，更謂MJ是藝術界的代表人物，其舞步可以編入舞蹈史當中：「我儲MJ碟其中一個目的是教學生，例如學節奏感，我就會播《The One》作示範教材！」為了親眼體驗這種節奏感，Michael不惜花費一萬元，購買MJ倫敦復出演唱會門券，可惜最終不能見偶像一面，眼淚不禁湧上心頭。他說︰「即使收到飛我都唔會賣，因為這是佢留畀我嘅最後一樣嘢！」
毛衣叫價HK$450,000
天王猝死，遺物頓成搶手貨，拍賣網eBay的MJ物品交投更達瘋狂程度，一件Jackson 5時代的毛衣叫價竟逾HK$450,000，最搞笑是有個網址「www.MichaelJacksonsRestingPlace.com」竟然索價US$2,100,000。以上貨品閣下未必買得起，反而以下三件不妨諗諗︰
MJ追思會的門券、手鐲及小冊子套裝，約售US$500。
○六年發行的限量版MJ主題iPod，有MJ頭像、法文名字及發行編號，約售US$2,500。
網民自行設計的MJ美鈔，印刷很精美，雖然面值US$1,000,000，但US$1便Bid到。
Bootleg炒高六十倍
所謂「Bootleg」碟，即未經官方授權的影碟，多由Bootleg廠或歌迷自行錄製。由於MJ早年部分演唱會並無發行錄像，而Bootleg碟又記錄了當時的熾熱氣氛，因此比正版唱片更好炒，也更為保值，例如圖中的兩張Bootleg碟便由當初的HK$11炒至HK$688，升幅逾六十倍。
十二吋Figure八月重推
想懷念MJ？無嘢比帶佢返屋企更好。本地玩具廠Hot Toys去年曾出過MJ的十二吋Figure，可惜神髓一般。有見及此，廠商有意在八月重推改良版，面相、身形將更貼近真人。雖然售價待定，但筆者身邊的非MJ迷都準備入市，粉絲又豈能錯過？
MJ有機打
MJ原來有機打，九○年世嘉曾推出《Michael Jackson's MoonWalker》（中譯《外星戰將》）這款Mega Drive遊戲，玩家可操控MJ，以他的招牌Moonwalk或傾斜45°來殺敵。遊戲更收錄了《Billie Jean》等五首名曲，現時部分二手Game舖以$350出售，Fans不妨留意。
查詢︰2388 4677
狂迷Profile
名 字︰Michael Wong
職 業︰舞蹈員 收藏年資︰十四年
戰 績︰專門收藏MJ各式物品，由CD、海報、書籍、訪問錄像到Bootleg影碟無一不歡，最精明係花費五位數字便擁有逾百件收藏品，毋須在炒風下買貴貨。