很多人鍾意搭車和做嘢時聽MP3解悶，返到屋企又會將iPod插落喇叭變Hi-Fi炸機，不過一對靚耳筒和iPod喇叭隨時過千元，想慳住荷包的話，就要去Case Collection與Master OA搞嘅數碼產品清倉活動，主打的過百款iPod耳筒和喇叭，最平幾十元有交易，Shure、JBL等名牌平均都打個七折，各位經過銅鑼灣時不妨去睇下。

衫褲鞋襪就成日Crazy Sales，數碼產品往往要等電腦節或年尾盤點才有機會執平貨，撞啱灣仔、旺角及銅鑼灣都有分店的Case Collection與Master OA近日搬舖清貨，所以將大批新貨及陳列品一連七日割價傾銷，除主打的耳筒喇叭外，連數碼相框、藍芽耳機和NDSi遊戲機等多媒體產品都有得平。

MP3耳筒 低至$49

不少發燒友願花過千元換靚耳筒，皆因耳筒壽命長兼且愈煲愈靚聲，畀多少少都值得。今次開倉就一口氣推出Shure、Denon、Audio Technica、Ultimate Ears等名廠耳筒，價錢由幾十元至幾千元不等，豐儉由人，從入門級的$49 Elecom EHP-702，到$1,500的頂級Shure 310都有得揀，點都好過聽跟機耳筒。

Elecom EHP-702唔使五十元就有交易，當做後備耳筒都抵。	Shure SE310加強重低音和細節位表現，所以街價過千元都大受歡迎。	放大圖片

iPod喇叭 半價傾銷

想在房間自建音響組合，又怎少得一部iPod迷你喇叭？當中以JBL音質較佳、Gear4款式選擇多，如JBL OnStage II就減至$599，Gear4 Pockparty則只要放低$130就可帶返屋企，其他牌子如Altec Lansing、Radius一概以原價五至七折傾銷，店長話貨品數量有限，售完即止。

JBL以推出iPod喇叭為主，型號備有OnStage、Radial等多款任揀，迎合不同用家要求。	Gear4 StreetParty III迷你iPod喇叭以$350清貨，慳番舊幾水。	放大圖片

相框免提 一折清貨

雖然今次以iPod耳筒喇叭作焦點，但舖內仍有其他貨品選擇。減得最多的要數各款藍芽免提耳機，部分陳列品更抵至一折發售，好似Touch BTH738免提由$400減至$40、Sony Ericsson Headset免提都係賣$70。至於近年冒起的數碼相框，Philips、AGFA、Samsung等品牌都在千元以下，送禮自用皆宜。

Motorola H680F藍芽耳機，開倉價$499（原價$1,060） iTech i-Slider藍芽耳機，開倉價$200（原價$600）	Scala Rider V1-DG電單車耳機，陳列品開倉價$80（原價$1,600）	左：PHILIPS 6FF3FPW 六吋相架，開倉價$600（原價$1,200） 右：AGFA 八吋相架，開倉價$850（原價$1,700）

多媒體產品 Top 3推介

由於銅鑼灣門巿的舖位較細，所以不少貨品都沒有擺放出來，有些甚至要逐日由貨倉及其他店舖搬運過來，所以去到記得問清楚。好似在清貨名單中，筆者就搵到幾款抵玩又吸引的推介，如剛推出時炒到二千幾元的NDSi遊戲機，現在$1,080就買到、ARCHOS Wi-Fi PMP跌至二千元樓下，並加送兩個Docking。

Top 1 NDSi、NDSL 新一代內置「眼仔」的NDSi剛推出時喪炒到二千幾元，依家$1,080就有交易，比Game舖仲要平二百元。另一款NDSL G-Gen特別版淨機價都係$980。	Top 2 ARCHOS 605 Wi-Fi PMPARCHOS 605 PMP 80GB版本內置Wi-Fi連線之餘，跟機附送價值八百多元的Mini Docking和Battery Docking，現在開倉價$1,980有售，另有160GB版本，賣$2,680。	Top 3 IMAT PDA PhoneIMAT PDA Phone由原價$1,580減至$699，幾舊水就有部輕觸式PDA手機，用來當數碼助理用都抵。（水貨英文機，只備七日保養）

陳列品超級抵

今次大部分貨品以原價五至七折傾銷，聽落確係吸引，但買開數碼產品都知道，街價一定低過官方列出的建議零售價，有時實則折扣未如想像般高。但筆者試過將清倉貨品與最平的街價比較，發覺貨品的確比出面便宜，部分型號及陳列品更加係蝕住賣，各位隨時可用筍價執到寶，真係手快有，手慢冇。

開倉小資料

日期：二○○九年七月十四至二十日

時間：11:30am-9:00pm

地點：銅鑼灣皇室堡商場一樓

查詢：2881 8844