行商場要搵洗手間，只要去詢問處或者睇「水牌」就搞掂，但係如果去到偏遠地方或者工業區時突然人有三急，真係唔知點算好。本地公司Nuthon IT就開發咗一個名為「Toilet Rush衝廁」的iPhone程式，透過GPS定位，可以即時知道附近洗手間的位置；一按「我就爆喇！」的Icon，就會篩選出最近的廁所位置，還可以利用「互動地圖」顯示出前往該廁所的路線。除了iPhone版本外，其他手機的用家亦可透過手機進入m.toiletrush.com搜尋廁所，有興趣的朋友不妨一試。