日日持續高溫，不論到戶外做運動或站在街頭等巴士，也令人渾身是汗，難怪不止有人中暑不適，連狗狗都不敵熱浪而暴斃。想驅走熱氣？有線電視娛樂新聞台主播余思敏（Sammie）就計劃約埋三五知己出海暢泳，還帶備散熱小涼伴跟身，真係要幾Cool有幾Cool！

小背心、熱褲、迷你裙，早就紛紛披掛上陣，但仍抵受不了悶熱的天氣，Sammie難得放下繁忙的工作，約同好友到海灘碧波暢泳，除了帶備最愛的比堅尼、太陽油來對抗熱辣辣高溫之外，更預備了多款小涼伴好似風扇仔，外形設計獨特、顏色Sharp醒，讓Sammie隨時擊退熱氣，而小雪櫃就可以提供消暑解渴的冰凍飲品，絕對稱得上是人生一大樂事。講多無謂，即刻睇吓Sammie為大家推介的散熱小涼伴啦！

限量發售的Coca Cola雪櫃，共有四款，而其蓋掩部分可作手柄使用，十分搞鬼。$2,980/件（a）	鬼馬的汽水販賣機小雪櫃，能放九罐汽水，隨時隨地「按」機。$2,980（a）	獨特蛋形小雪櫃，可置放六罐汽水，有些媽咪更會用來雪奶樽。$498（c）

米奇老鼠小雪櫃，可放九罐汽水或十盒紙包飲品，絕對係米奇迷的搜購目標。$980（a）

圍巾內含強勁吸水粒子，只要置於冰水或冷水中二十分鐘，即可吸收二百倍水分，帶給你冰涼感受！$90（e）

神奇棒棒一開即輸出攝氏五度低溫，置於脈搏位置自然全身涼浸浸。$368（a）

雪條形手提風扇，備有多款卡通人物選擇。$33.9/把（b）

大頭Hello Kitty座枱風扇$468（a）	方便冷貼，貼在背部帶來陣陣涼意。398（a）	名為纖涼適的小背心，據稱可為用家吸去身體的熱氣。$279（a）

鬱金香造型手提風扇$98（a）	仿血包造型冰包，急救熱騰騰的你。$150（d）	製冷器以電芯推動，先將數粒冰塊置於罐裝汽水上，便能以六十秒極速冰凍汽水。$368（a）

估唔到咁掂！

講起熱天，小記就最有Feel，因為本人非常怕熱，所以一知道要介紹消暑產品，就拿拿臨試吓啲「波凸」，點知一試就鍾意咗把鬱金香風扇仔，除咗風力強勁之外，外形仲正到暈（始終女仔都鍾意花嘛！）而且分別有粉紅、橙、紅三色，真係掂！雖然以風扇仔嚟講$98就真係貴咗啲，不過就當買個心頭好囉！

查詢：（a）3102 2783　（b）2609 3633　（c）2578 8813　（d）2890 8789　（e）2117 1810