早前上旺角友誠樓上找英京阿權哥吹水，問有邊款耳筒最好賣，原來銷售冠軍仍是Panasonic RP-HTX7，雖然已不是甚麼新款，但勝在外形夠型仔，連日本人氣歌手青山黛瑪隻大碟封面《Diary》都戴住，顏色仲愈出愈多。但講開顏色，原來有不少怪顏色的RP-HTX7都是老翻貨，搞到唔少貪靚貪新鮮的機迷都中咗招，所以老套都要講句，最好到有信譽的商舖購買，否則就要落足眼力睇清楚。