香港Playstation近期忙於宣傳套網劇《夏之盛放》外，仲搞咗個叫做「PSP獵『色』代碼i7L行動」嘅活動，在全港各區搵番七部由七位香港獨立女性好似周麗淇、麥玲玲、諸葛梓岐等設計嘅PSP，抄低發現嘅地點、機身顏色同估埋由邊個設計，估中晒兼抽得中，就有機會捧走七色PSP-3000其中一部同二十隻PSP遊戲，聽落幾筍。不過據相關人士表示，有啲PSP都收藏得都幾隱蔽吓，大家最好就係循住同Playstation有關係嘅地方去搵。Playstation响Megabox有個Playground試玩場，而且尖沙咀海港城、海運大廈都係PS地頭，唔知度有無收埋一、兩部呢？呢個遊戲截止日期到今個月二十六日，行動要快！