龔嘉欣打橫行

圖案的組合千變萬化，數襟興襟睇的必定是橫間，利用簡單的線條交織出密密麻麻效果，有人話易襯，有人話難搞，真係各有各說法。不過，今季食正Marine Style熱潮，橫間又變成設計師的最愛。自言是橫間服飾Die Hard粉絲的龔嘉欣（Katy）就親身示範春日橫間Look，仲大大聲話：「今個夏日勢要打橫行！」

身形肥胖，絕對係女人大忌。在一般的情況之下，大部分女生都異口同聲，有得揀就一定唔會入手橫間服飾，怕穿着後會顯得肥腫難分。不過，世事無絕對，只要識得區分橫間的粗幼，穿起上來就易如反掌。Katy話：「我都怕被人話肥，但識得揀，識得着就無問題，甚至全身着上橫間服飾一樣得！在此醒你一個小貼士，怕肥人士可以考慮揀幼身橫間設計，視覺效果會自然一點。」

Vivayou橙×白色幼身橫間背心 $1,399D & G黑×白色幼身橫間長褲 $2,800Sigerson morrison黑色窩釘涼鞋 $6,999（All from g）	French connection深綠×淺綠色幼身橫間Tee$259（f）	Lowrys Farm粉紅×白色幼身橫間Tee $269（d）

黑白組合夠穩陣

認清楚粗幼橫間之後，無懼肥胖問題，兼且膽粗粗的女生，不妨將層次升級揀選一條過設計的橫間連身裙，推介有本地品牌:chocoolate及妹妹日牌Lowrys Farm的出品，同樣以最穩陣的黑白色組合打響頭炮，簡簡單單用來配搭春夏色彩的布鞋，即時帶出清爽感覺。連Katy都話：「黑白橫間我至愛！」

:chocoolate黑×白色幼身橫間背心裙 $259（c）	Lowrys Farm紅×白色粗幼身橫間連身裙 $439（d）	Sonia by Sonia Rykiel彩色幼身橫間粗腰帶 $999（a）

若閣下始終無信心着上橫間服飾，諗來諗去都係怕會影響體形，建議退而求其次揀選以橫間為主題的配飾及手袋。今個春夏，法國簡約宗師agnès b.、法國針織女王品牌Sonia by Sonia Rykiel及本地代表:chocoolate推出少量橫間小物應市，各位女生可以考慮用來配襯鮮艷顏色的連身裙、小背心及Tee，點到即止。

agnès b.黑×白色粗身橫間手挽袋 $1,580（b）	:chocoolate藍×白、黑×白、紅×白色幼身橫間短襪	ZUCCa藍×白色幼身橫間背心連身裙 $4,599白色綁帶高踭鞋$4,599（Both from g）

大牌力谷

今季的橫間代表有Dries Van Noten、Hussein Chalayan及ZUCCa等等，各有自我的風采。Dries Van Noten的灰×黑色橫間Tee配襯杏色喱士外套，表現出一種成熟味道。Hussein Chalayan的藍×白色橫間短裙襯白色Tube Top，加上模特兒的藍色眼罩造型，十足科幻電影的角色。ZUCCa的黑×白色不規則連身裙，簡約中見不平凡。

阿Sa

阿Kay

明星着到紅

想有運行，着橫間衫或可有幫助，睇吓兩位天后阿Sa同阿Kay分別着上橫間服飾出席新碟發布會及拍攝演唱會宣傳海報，齊齊紅到發紫。

有態度

講到橫間咁Hit，今季點都要買番一兩件啦﹗以小記的個人意見買黑白色的Basic Colour最實際，永遠不怕Out之餘，着起入型入格，我都已經入咗一條agnès b.連身裙嘞！

查詢：（a）2735 3070（b）2603 0268（c）2572 6687（d）2696 9222（f）3514 4120（g）2265 7110