「樓主」在「梳化」上「食花生」

經常上討論區睇吓新料、吹吓水嘅網友，成日會見到「樓主」、「梳化」或者「食花生等睇戲」等用語，但大家又知唔知點解呢？「樓主」就係第一個發帖嘅網友，呢個解釋好簡單直接。至於「梳化」或者「沙發」就流傳咗好幾個解釋，其中一個講法係「沙發」同內地用語「首發」音調相似，有啲網友以搶到第一個回應為榮；另一個講法係來自英文「Second Floor」，簡稱作SF，又跟SoFa同聲母，所以轉用中文「梳化」或「沙發」去表達。「食花生等睇戲」就代表袖手旁觀，由得網友拗到火紅火綠，坐定定等收Place。