美孚新邨是老牌大型屋苑，共有八期之多，要搵入門盤不得不堤樓齡四十四年的第二期，由於與一期一樣，貼近高架行車天橋而建，部分細戶對正天橋，環境較嘈雜，現時485萬元有交易，是進駐美孚新邨的入門之選。

第二期放盤推介

交通佔優 配套較齊

不過，港鐵出入口設於該期之內，住戶落樓下即可搭港鐵，過條馬路亦即達巴士總站，盡享交通優勢。生活配套方面亦不失禮，二期旁邊的第一期內有街市，買餸至方便，步行往荔枝角公園內的公眾泳池、體育館及圖書館約十分鐘步程，消閒選擇多。

美聯吳志輝表示，該期的望橋景細單位分布於吉利徑1至21號，現時交吉入門盤為吉利徑3號低層「縮則」戶，實用面積465方呎，現由一房改為兩房戶，去年年中以530萬元放售，叫價隨市況回軟而滑落，新近減至485萬元，較去年高位做價回落12%。

事實上，同樣坐向的一期望橋景單位，本月錄超低價成交，百老匯街21號一房戶，一月底放盤叫470萬元，業主心急甩貨，多次調低叫價，最終以400萬元獲上車客承接，實用呎價低見9,100餘元。