「唔好為層樓放棄夢想！」此言論在港滿天飛，然而張天天自言想法傳統，更指做「有殼蝸牛」便是其短期的夢想，「要擁有自己嘅家先有安全感，租嘅話就總有預感畀人趕出去，夢想同置業無衝突，其實可以當買樓係夢想而去努力打拚。」

張天天指，其未婚妻（右）無買樓的要求。

由於天津物價指數遠比香港低，他在當地不少朋友在大學畢業後一至兩年已置業，惟他並無因此而後悔來港發展。他斬釘截鐵稱：「我唔會因為層樓而留喺一個地方發展，當地朋友見我喺香港買樓都覺得不可思議，買到樓，令我覺得呢兩、三年嘅付出係值得，好有滿足感。」

長線希望財務自由

談到有港女的婚姻觀是「有樓先嫁得過」，他笑言，有朋友認為「娶內地女仔好過」，但個人認為不可一竹竿打一船人，香港也有不少顧家的女孩，此要求並不過份，情侶間可就此目標「公一份，婆一份」，齊齊努力上車，又幸福地說：「不過，來自內地嘅未婚妻的確冇買樓嘅要求，只求兩人過得開心就OK，即使租樓住、食廿幾蚊飯盒都一樣咁開心。」

其實他的長期夢想是在三十餘歲達到財務自由，並開始與妻環遊世界。