受惠小陽春效應帶動，近排新盤市場湧現唔少大手成交。長實地產（01113）禮拜五將推售紅磡維港．星岸58伙，發展商預告已經有5組大手客有意認購全層3伙，單單交易涉資大約9,000萬到1億元，仲有約10組客有意一口氣認購兩伙。另恒地（00012）等銅鑼灣雋琚啱啱都獲買家斥資逾3,900萬元大手掃入3伙。

長實地產郭子威（右）表示，維港．星岸有買家擬大手洽購。旁為曹皎明。

恒地林達民（左）表示，迎海·御峰累售23伙及23個車位，共套現約5.6億元。

小陽春下新盤動向

長實地產投資董事郭子威同劉Sir講，維港．星岸喺今個禮拜五發售58伙，當日會先後優先安排大手認購3伙同2伙嘅買家揀樓，之後安排認購1伙嘅買家揀樓。佢又透露，目前已有約5組買家表達有興趣大手認購全層3伙，而且仲有約10組客有意認購2伙。

港島方面，銅鑼灣區繼日前有買家斥資過億元掃入yoo Residence高層兩伙後，同區雋琚啱啱都錄得買家斥資逾3,916萬元大手連購3伙，單位分別係18樓A、27樓A同B室，每戶呎價22,120至24,251元。

事實上，發展商為咗食住小陽春個勢吸客，爭相落力加推單位應市。恒地（00012）等馬鞍山迎海·御峰尋日加推31伙，價單平均呎價15,179元，折實平均呎價14,875元，呢批單位將會喺下個禮拜二賣。

利奧坊映御紛加推

恒地營業（一）部總經理林達民就話，因為呢批加推單位質素較佳，售價比起首張價單高逾1%，當中包括售價同呎價都創今期新高嘅9座頂層連泳池特色單位，睇番價單，呢個單位價單售價4,050.9萬元，呎價21,000元。同系旺角利奧坊．曉岸尋晚都原價加推48伙嘅價單，其中18伙喺禮拜六賣。

至於元朗有大盤開售前夕，區內樓盤密密加推吸客。新地（00016）元朗映御尋日連環加推30伙喺禮拜六賣，項目啱啱首錄交易再未有進展個案，第2座6樓N室，上月二十七日原本以331萬元賣出。

敦皓最快周內開價

同區世宙亦都更新價單同銷售安排，部分兩房戶利是優惠由原本8.8萬元擴大到18.8萬元，項目加推4伙喺星期六賣。

另豐泰地產嘅西半山敦皓最快本周開價。據一手銷售資訊網資料，嘉里建設（00683）屯門滿名山連錄4伙交易未有進展。油麻地珀．軒再錄1伙終止交易個案。