二手樓價隨大市吹淡風，新界區屋苑劈價盤湧現，算是上車一族的佳音。今期Young Home主角Blue，對於揀樓要求除要上車價抵，還想住得舒服些，對於住慣元朗區的生活圈分外親切。其實，元朗市中心不乏細規模物業，如教育路及千色廣場附近的好順泰大廈，僅約260萬元有交易。

元朗好順泰大廈共有兩座物業，保養不俗。

Blue指將來買樓會揀選元朗區的物業。

千色廣場為元朗熱點。

屋苑附近交通選擇多。

好順泰大廈近期買賣個案

修讀設計系的大學生Blue，家住元朗，問她對現時樓價回落的感覺，她直言：「我知而家啲單位有減價，但真係減咗價都好貴，根本負擔唔起；如果畀我買樓，我會揀元朗區，一嚟樓價比市區平啲，二嚟住開，覺得環境好Okay，唔想搬去其他方重新適應。」Blue又表示：「我諗如果我要買樓，家人都會幫手畀部分首期，希望自己供樓可以無咁吃力啦！」

靜中帶旺 生活方便

元朗最指標的市中心地帶，樓價相宜的，其實可選擇一些坐落內街的小型屋苑。雖然屋苑的知名度比較輸蝕，會所設施亦欠奉，但當中不少屋苑都是靜中帶旺，衣食住行俱方便，所以能夠成為用家的至愛選擇。

例如鄰近千色廣場及教育路的好順泰大廈，全屋苑就僅得兩座物業，合共提供不足500個單位，樓齡約二十八年，但物業保養算是不俗。

主攻迷你戶 角位少

好順泰大廈最適合用家選擇的原因，是屋苑大部分供應實用面積259至290方呎的迷你單位，基本間隔少角位，企理好用，擺放家具不需太花心思，兩口子過二人世界都算抵住。

像Blue的後生女，日常生活配套好重要。其實，好順泰大廈只需約五分鐘步程，已經可到達千色廣場及合益廣場，而教育路一帶民生商店食肆充足，平日人頭湧湧，足以應付簡單生活。

盤源零星 交投少

區內代理指出，元朗好順泰大廈的買賣盤源一向甚為缺貨。今年該屋苑有個一房單位，以250萬元獲買家承接，因近期樓價回落，令平盤消化，上月錄得零星的二手成交。

叫價回落一成

目前，好順泰大廈僅得一個交吉單位於市場上放售，並以260萬元放盤，叫價較去年高位回落逾一成。

Blue理想Dream House

置業地點：元朗區

置業條件：保養企理、樓價平

理想樓價：300萬元內

預算每月供款：約10,000元

每月供款例子

樓價：260萬元

九成按揭*：貸款234萬元（*適合有固定收入及供款比例合資格的首次置業人士）

還款期：25年

每月供款：10,498元（P-2.5%計）