隔晚美股休市，歐央行暗示短期再放水，為股市注入動力，港股延續周一升勢，昨恒指最多升342點，惟午後升幅收窄，埋單升203點收19,122點，主板成交增至715億元。

恒指昨日高位19,260點，完全收復猴年復市首日在18,627至19,230點遺下的裂口，美中不足是午後未能企穩高位收市，但2日線與20日線差距已大幅收窄，即使今日指數微升甚至原地踏步，短線破位的信號便會成立，想博好倉的可留意。

期指好友昨日威了半場，早市開18,990點後，隨即試18,892點低位，買盤一口氣推到上19,257點，到午後重開，好友再受制19,272點呈雙頂後，午市一副買賣兩閒格局，日市收19,141點，成交10.7萬張。

昨晚美股假後重開，今日恒指最好在19,230點以上，並以陽燭收市，要睇轉勢信號確認，先決定今日尾市小注補唔補好倉，假如現貨成交回落，恒指再高開低收呈陰燭就唔使諗住。