四十多歲才瞓身創業，Matthew坦言，如果最終得個吉，都幾痛苦！「嗰時啲仔女讀書仲要錢，我仲生四個，創業的確有風險！」但他下創業決定並不兒戲，且有作最壞打算，「我有預計過自己真係輸哂，會剩番啲咩！我亦有同定仔女講，爸爸唔知下年可唔可以繼續供你地讀大學，你地可能要半工讀。」當時亦得到家人的支持。

萬信電子科技(Myndar)小檔案

要承受這麼大的壓力去創業，當然想知道背後的最大推動力是甚麼。出乎意料之外，他回答，「我被迫！」他續解釋，「創業有兩種人，頭一種人係好有願景，後一種人係被迫嘅，而我就係後面嗰種。諗創業之前，我啱啱離開咗間大公司，而當時已經四十幾歲人，好難再搵同樣嘅工，而自己又想繼續做科技，咁就惟有自己創業！」

運用經驗突破困境

此外，他堅信年長的創業家有優勢，「十八歲同四十幾歲嘅創業有不同，最起碼我可以用過去嘅經驗同累積嘅智慧解決一啲問題」。而且，他亦深明做事不應有太多顧慮，「好似游水咁，見到對面岸就游，游游吓就會到。」

最後，他提點有意創業的年輕人，不要過度美化創業，事實上跟賣報紙或賣菜一樣，都要求存。就算產品做得很好，但銷量差，公司依然不能生存，所以必須清楚了解你盤生意的擴充性。