「為咗盤生意，當日我將所有物業按晒，曾欠成千萬元街數！有次走到石壆，真係諗過跳落去死咗佢算！」物聯網公司萬信電子科技（Myndar）主席及行政總裁文振聲（Matthew）憶述這六年如何捱過事業最低潮，他過了一關又一關，如今公司已上了軌道，每年收入約9,000萬元，現時更鋪路把公司在兩年內上市！

萬信文振聲指，他的創業路是典型的科網創業例子，透過不同注資，最終鋪路上市。

萬信的mTray服客盤具保安功能，且可幫助Sales銷售。

於○九年開始創業的Matthew，初時是用私己錢及向朋友借錢經營。首三年，他努力尋找射頻自動識別（RFID）感應器技術的商機，嘗試把技術應用在智能藥物櫃及服裝的物流管理等，但一直未得到投資者賞識。「嗰時好多香港大企業都只係投資地產，好少會肯掟錢落科技公司；而天使投資去到某個點，就唔會想再投資！」所以他艱苦捱了三年。

研發智能托盤現轉機

尤其在第三年尾，公司資金非常緊絀，他憶述有一天在辦公室工作時，突然感垂頭喪氣，全身發冷，就像一個人獨自坐在房間有頭老虎跑進來一樣！「我當時諗，不如一躍而下，但諗下面咁多石頭，跳咗落去，唔死咪仲慘？結果就打消自殺的念頭！」

意想不到的是，他最後竟可以化悲痛為力量！而公司後來成功得到一間內地公司注資，幫忙還清債務。同時，公司亦找到定位，針對解決珠寶鐘錶盜竊的問題，用RFID技術設計了一個智能服客盤mTray，公司才出現轉機！如今公司的客戶包括周大福及Pandora等。

「呢個唔係普通嘅珠寶托盤，佢加插咗保安系統，可以一次過讀好多個標纖，仲可以幫助Sales賣嘢！」它追蹤客人的購物行為，然後分析數據，有助推銷員向客戶交叉銷售及追加銷售。他又指出，目前許多香港大型連鎖珠寶鐘錶行都在用他公司設計的服客盤。

應用珠寶業 自動交收

除了應用RFID技術之外，公司亦致力研發物聯網，把雲端技術及大數據應用在珠寶、冷鏈（cold chain）及醫療這三個行業上，讓企業的倉庫管理、物流、交收、盤點、與客戶互動等步驟變得全自動化。

他稱，虛心跟客人學習就是不怕被取替的秘訣。當客人找上門，跟你洽商合作機會時，他們已為你的技術創造了一個新的應用方案。這讓你第一時間了解市場需要，然後參考他們的意見改良技術，令公司保持開發技術的領先地位。所以Matthew通常會認真思量客人的意見，且不怕冒險，在未取得任何開發資金前，照樣找團隊研發，要實踐不怕付出，才有收穫的道理。