近日大市持續淡靜，不過，假期因素其實早在市場預期內，不少大戶亦已經先行撤兵，而留下來的散戶隨時係「世外高人」，準備等機會短炒，再計埋今個星期是期指結算周，所以本周大市亦有可能突然風急浪湧，大家都要做好防風措施。

策略上，上周四半日市，主板成交僅268億元，加上未見有重大消息公布，再考慮到部分基金大戶仍在放大假，今日市場上短期突然轉強的個股隨時得一兩日貨仔，更有機會係買得唔沽得的衰股，建議都係先靠邊站，謀定後動。