未到聖誕，原來已開始清貨大平賣？上周五港股幾乎由頭跌到尾，恒指收報21,464點，跌240點或1.1%，豈料夜期再跟隨美股跌多浸，收報21,151點，較現貨低水313點，睇見都咪話唔驚！

現時大市風高浪急，大價股唔使講普遍要跟指數跌，細價股升跌更加無路捉，以靈寶黃金（03330）為例，上周三及四異動最高見過2.14元，但周五又突然急跌逾14%收1.48元，萬一唔好彩高買低沽，兩日已損失三成本金，故建議保守者不妨停一停，諗一諗，等埋美國議息結果先出手！