今期Young Home主角Kimmy，有想過與家人一起上車置業，不過Budget未必好充裕。想物色荃灣區，Kimmy不妨考慮細價樓集中地荃景圍。而上車屋苑指標荃灣中心，自成一隅，是市區樓難求的居住環境；「的骰」戶型更啱晒上車客，一房戶入場門檻僅約300餘萬元起，絕對諗得過。

荃灣中心為荃景圍規模最大的私人屋苑。

單位布局四正。

屋苑附近有商場。

到港鐵荃灣站需駁車。

Kimmy表示，將來置業會選擇私樓。

正修讀中文教育學系的Kimmy，有意畢業後投身紀律部隊，期望有不錯的穩定收入，故與家人有置業打算。她表示：「與家人有諗過一齊儲錢畀首期買樓上車，但而家啲樓價好貴，幾百萬得個細單位好唔值，但係要住都無辦法；如果負擔得起首期，只可以揀300幾萬嘅樓。」

Kimmy再指，「就算樓價貴都要買，始終買樓為咗保值。我哋應該會揀番私樓，因為荃灣無乜居屋，居屋轉售要補地價比較煩，私樓升值潛力會高啲。」

荃景圍自成一隅

按照Kimmy的上車要求，留守荃灣，最多上車盤選擇莫過於荃景圍。荃景圍與荃灣市中心有段距離，出入港鐵站需靠小巴或巴士接駁，步行較遠。因地利較「隔涉」，樓價自然平易近人。

荃景圍的私人屋苑亦因為較遠離市中心，普遍是依山而建，環境自成一隅，較市中心的人車頻繁格局差得遠，最受上車客歡迎的屋苑，非荃灣中心莫屬。荃灣中心為荃景圍規模最大型的私人屋苑，19座物業提供逾4,500個單位，名副其實是上車勝地。

間隔靈活 需駁車

屋苑以細單位作主打，以實用面積200餘至300方呎的一至兩房戶供應較多，此類單位間隔靈活，部分房間牆身可拆除，方便戶主增加或打通單位。亦有細單位不設窗台，實用性高。雖然屋苑伙數多，但不少單位可享寧靜翠綠山景，未至於「樓望樓」有壓迫感。

荃灣中心附近有商場，亦有超市、少量食肆等，巴士站有巴士及小巴接駁港鐵站及九龍地區，離荃灣市中心及主要商場，僅約五至七分鐘車程，各方面配套齊全。

Kimmy理想Dream House

置業地點：荃灣區

置業條件：樓價平的私樓

理想樓價：400萬元內

預算每月供款：約15,000元

每月供款例子

樓價：330萬元

九成按揭*：貸款297萬元（*適合有固定收入及供款比例合資格的首次置業人士）

還款期：25年

每月供款：13,324元（P-2.5%計）