隔晚美股跌逾百點，恒指昨低開132點後於低位徘徊，全日高低波幅僅117點，主板成交得659億元，看來愈貼近美國議息之日，港股就愈沉悶。

策略上，現時個股無消息好難炒上，故不妨轉敲走勢靚仔的半新股，貪佢蟹貨無咁多，炒上相對易。好似上市剛滿兩個月的維珍妮（02199），首日掛牌低位6.25元原來已係「歷史低位」，十一月開始起步炒上8元水平後，十二月更全速前進，短期若成功升穿月初高位11.98元，後市動力將進一步加強，不妨望多兩眼。