對於後市抱住一絲寄望的好友，看着港股過去幾日，美股升佢唔升，美股跌佢跌得更多的情況，難免心灰意冷。隔晚道指回吐過百點，期指早市裂口以22,077點開出，瞬間在22,095點被淡友壓制，上午兩次試低位22,720及21,716點，基於跌穿十一月兩個低位，博反彈買盤零星落索。

到午後再試21,710點後，大戶確認即市波幅「差不多」，淡友食胡才稍把交易區推到21,800點樓上，期指日市以21,824點結束，低水81點。

筆者早已提出成交不足，也欠缺炒賣焦點，月中議息前淡友有充足籌碼看風駛悝。昨日跌勢已算收斂，尤其現貨及期指都跌穿十一月兩個低位，恒指可以由21,765點拗腰到21,905點收市，係大淡好尾市，抑或後市未係時候跌穿十月下旬開始的「慢跌」下降軌？睇嚟好快有答案。

基於期指已大幅低於手上淡倉成本價22,400點，有條件睇多日，若守得住21,700點，則先食胡再算。