今次淡友又中招！Sammi所指的是港股上周尾段走勢偏淡，成交又無起色，淡友贏面其實唔細，殊不知美國周五公布優於預期的就業數據，美股即時急抽三百餘點，可見人算不如天算！

市場資金繼續輪流炒，揀股方面要揀擇一點，以免浪費子彈。錦江酒店（02006）近期反覆整固，回看年中從4元水平急插落2元邊，上周五報2.94元，剛好反彈跌幅約一半，睇埋七月至今多次挑戰3.1元水平阻力不果，今次整固後若成功破位，就算短期上唔番4元邊，睇怕3.5元都無走雞。