不甘於做「無殼蝸牛」的一眾後生仔女，有些願意死慳死抵儲首期，有些則寧願降低置業要求，但求「有瓦遮頭」。像今期Young Home主角Hilda，笑稱為上車可向現實低頭，揀樓齡較舊、但保養尚可的屋苑自住。如Hilda想物色九龍區物業，出入便捷的鐵路沿線物業九龍灣宏光樓，尚有個別樓價380萬元的交吉盤，啱晒佢嘅入市Budget。

九龍灣宏光樓樓齡雖舊，但早年曾翻新，外貌保養不俗。

附近的德福廣場可滿足日常消閒所需。

宏光樓附近不乏食肆。

Hilda現居黃大仙，希望在九龍置業。

Hilda理想Dream House、每月供款例子

宏光樓最近買賣成交

現居於黃大仙的Hilda，住慣交通方便的港鐵沿線，區內私樓近年樓價水漲船高，即使近日有回落勢頭，但上車價仍然有點「離地」。她指：「有能力上車梗係想住私樓啦！但我又唔想為咗儲首期而犧牲自己嘅生活，我諗多數要家人幫手畀首期。」

Hilda又稱：「如果樓價唔跌，我都會向現實低頭嘅，即係唔買新樓，會睇錢做人，會為Budget降低上車要求。」

依照Hilda的條件，她想住番九龍區，黃大仙鐵路沿線的屋苑叫價偏貴，不妨轉移目標，物色九龍灣一些「小眾化」屋苑。

物業曾翻新 主打兩房

鄰近得寶花園及淘大花園的宏光樓，樓齡雖已逾三十年，惟三座物業早年已經過翻新，保養不俗，又擁地利之便，深得用家垂青。

宏光樓雖然樓齡舊，主打實用面積300餘方呎的兩房戶，單位因普遍不設窗台，實用率高約八成。

屋苑會所設施欠奉，但勝在周邊配套齊全，行兩步就到淘大花園商場及德福廣場，有戲院、食肆及連鎖牌子商舖，離港鐵站及巴士站等均只五分鐘步程，享盡地理優勢。

僅兩交吉盤 叫低3%

利嘉閣高級經理鮑允中表示，宏光樓買賣盤源緊張，令二手成交稀疏，平均每兩至三個月才錄一宗，最新成交要數到兩個月前，一個兩房單位以逾400萬元易手。

市場現只有兩個交吉盤放賣，分別叫價380萬元及398萬元，叫價均較市價平逾3至5%水平。