今個星期為多事之秋，先有人民幣入SDR結果公布，周四歐元區隨時加碼量寬，美國聯倫周四出席國會聽證會後，周五仲有今年最後一次公布的美國非農數據，單睇上述戲碼都知風高浪急，大家緊記捉緊扶手！

板塊方面，內地汽車股有回勇迹象，昨日東風（00489）、長城汽車（02333）以及廣汽集團（02238）就分別升1至2%不等，不過Sammi更鍾情隻神州租車（00699），集團今年首九個月純利升兩倍至10億元人民幣，睇落股價整固一輪後隨時再上。