港島鐵路沿線屋苑出名貴到飛起，但講到親民，首選港鐵柴灣站上蓋屋苑新翠花園。屋苑6座物業建於港鐵柴灣站之上，基座商場為區內居民消費熱點，住戶可盡享生活便利。

新翠花園基座設有商場，住戶日常生活方便。

另一煞食賣點是柴灣站為港島線東端首站，繁忙時間搭港鐵肯定有位坐，毋須做「沙甸魚」，舒舒服服上班，往港島東區商業區只需約十分鐘車程。

雖然新翠花園樓齡二十七年，但近年已完成翻新工程，內外新淨見得人。美中不是屋苑附近是公屋及居屋集中地，加上只有簡單康樂配套如泳池、兒童遊樂場等，論居住環境，及不上小社區杏花邨。

不過，屋苑鄰近綠油油的柴灣公園，是上班族Keep Fit做運動的好地方，假日在綠化環境下散步，紓緩緊張的工作情緒。屋苑旁的青年廣場，更是欣賞文娛康樂節目的熱點。

盤源缺 兩房無貨

新翠花園向來用家主導，買賣並不活躍，即使樓價落後其他港島鐵路盤，但由於放盤難求，故此要進駐屋苑做業主，難免要碰碰運氣。

金富地產負責人王先生表示，屋苑長期放盤少，現時兩房缺盤，三房入門可揀3座高層戶，實用面積518方呎，屬屋苑細三房戶，備裝修，新近放售叫價660萬元，實用呎價逾近1.3萬元，同Budget只夠買杏花邨兩房戶。