從昨日深港通誤鳴事件，至澄清後之中港兩地股市反應看來，投資者果然係餓得太耐，所以都衝入場先算。事實上，從昨日港股主板成交衝番上1,120億元，滬深兩市成交增至約9,940億元人民幣的情況看來，似乎投資市場真係無論是好定壞消息，都總好過無消息！

板塊方面，昨日最醒神一定係內地券商股及深港通概念股，當中第一上海（00227）就抽升15%至1.39元收市，強勢畢呈，只要相關主題短期未炒完，相信仲有得上，不妨伺機跟走一轉。