恒指昨日再跌270點，至22,370點收市，以十月二十六日高位23,423點計已累跌逾千點，走勢奇差，加上成交無起色，昨日主板得673億元，睇落愈來愈似陰乾格！

市場氣氛唔掂，板塊方面同樣無乜好路捉，在如此市況下，都係揀業務較穩健股份有數圍，互太紡織（01382）從事製造及貿易紡織品，與多個著名品牌建立長期穩定關係，盈利前景能見度高，加上股價近幾個月在10.5至11.2元之間橫行，短炒上落又得，中線等破位先追勢買亦得。