耶倫果然唔加息，以為個市點都會彈兩吓，點知滬綜指昨日只微升12點，至於港股依然故我，主板成交僅707億元，恒指跌136點報22,819點，睇落無氣無力現象要維持一段時間。

個股方面，年內人民幣貶值潮令外界關注內房發債會否從美元轉投人仔懷抱，既然市場對內房關注度提升，不妨揀隻恒大地產（03333）炒吓。先睇估值，集團現價市值849億元，往績市盈率5倍幾唔算太貴，加上近期股價愈升愈有，10日及20日線已發力上衝，不過14日RSI正進入超買區見72，不妨等個靚位走番轉。