雖然話美國聯儲局議息前投資市場例靜，但Sammi都估唔到昨日主板成交得610億元，真係悶死人，至於恒指在部分資金選擇先行平倉下，尾市跌幅擴大至186點，報22,956點。

汽車板塊早前跑輸大市，但後來受惠中央突然出手扶持小排量汽車，令板塊起死回生，當中華晨（01114）就不經不覺從九月低位8元，反覆彈升至十月十三日高見11.5元，累升近43%，雖然股價之後稍現回調，但既然行業景氣轉佳，相信股價整固一輪後有機會再上，不妨趁低吸納。