北水動向：蒙牛等機會執平貨

滬綜指昨日亦低收作結，聽講唔少外資都減少A股淡倉產品，相信都係配合阿爺的打空行動。股票和期貨市場都只許買不許沽，算是一個怎麼樣的市場？長此下去，別說人民幣國際化，連一個完善股票市場應有的基礎設施都破壞了，要修正錯誤，睇怕冇番三幾年時間都難以重納正軌，呢段時間到底係有危有機，抑或山崩前的最後逃生機會，筆者亦覺迷茫。反正呢一刻過度悲觀同過度樂觀都有不足的地方，投資者自己計自己數最實際。

基建股有得諗

有外電消息指中美將成立高速公路項目合資公司，在美國建設高速公路項目，預計將於明年九月啟動，會否屬實，相信下周兩國元首會面或者會有答案。昨日基建股尾市升幅收窄，但若然議息結果出了後環球股市能平安度過，照計中交建（01800）同中鐵建（01186）呢兩隻基建股有得諗。

此外，近日食品股有追捧，其中康師傅（00322）昨日股價升逾3%，蒙牛乳業（02319）升2.4%。講到蒙牛，近日市場傳出內地將推出「史上最嚴奶粉新政」，但以蒙牛的產銷規模、大股東背景同技術，加上與外資先進同業的戰略合作，即使新規出台亦唔係壞事，反而行業門檻提高，有利大型業者參與，故若然因相關消息而出現沽壓，反而可留意執平貨的機會。

申尚泰