上周成功在兩日的挾淡倉急升中，稍獲微利，本文即叫看官們轉攻為守，恢復守株待兔策略，周五市況一彈即散，證明基金大戶在美國議息前，買貨興趣果然受影響。

聯邦基金利率期貨所見，周中加息機會大約三分一，假如眾望所歸加息而最後唔加，股市反應估計仲係一半一半，惟在今日市場上，九月加息未成主流下，耶倫一旦出手，股市震盪可大可小，實在犯不着冒這種險，故上周見破10日線偷襲成功，也講明有胡要食。

上周五走勢肉酸，非戰之罪，始終經過周四的一彈不起，加埋周末假期，好友無心戀戰是意料中事，國期破唔到一萬，恒期即市高位見21,840點後浸浸落，恒指即市最高見21,909點，差些少至掂到20日線21,924點，突破阻力不成，十點半後，全日在搵即市支持，埋單倒跌收場。

議息前夕，今日無乜心水，即市若恒指上破20日線，會追三分一注，但絕對唔會過夜，否則睇多兩日至算。