都市人追求悠閒生活，甚有度假Feel的元朗屏山帝庭居是不俗之選。區內屏山文物徑古蹟多，還有古塔可遊覽，而附近工廈可踢足球，適合一家大細放假鬆一鬆。現屋苑細兩房戶430萬元起，隨時起行，盡情享樂。

樓齡十二年的帝庭居屬中低密度住宅。

鄰近的屏柏里公園，內設兒童遊樂場。

屋苑規模不大，會所有室內泳池。

屏山文物徑的聚星樓為人熟悉。

雖然是室內足球場，但與標準五人足球場無異。

位處元朗屏山的帝庭居，樓齡十二年，屋苑分兩期發展，共10座物業，屬於中低密度住宅。

雖然各座樓高只有四層，但仍設有電梯。全屋苑提供298伙，以兩房戶佔多，另供應三房戶及少量一房單位。

鄰近輕鐵及巴士站

屋苑前臨輕鐵塘坊村站，搭車夠方便，可以接駁西鐵出市區，另輕鐵站對出又有巴士站，但路線不多，可前往朗屏、元朗及佐敦。

論規模，帝庭居雖然不算大，但就仍然設有住客會所，提供的設施包括室內泳池、水療按摩池、健身室等，住戶可閒時暢泳、健身，實行鬆一鬆，另外，還有室內兒童遊樂場，小朋友隨時玩餐飽。

至於屋苑毗鄰的屏柏里公園，環境更是宜人。

如果想玩得興盡，不妨到屋苑鄰近的工廈大玩室內足球。該球場鋪設了人造草，仿真度甚高，成功打造出一個標準五人足球場，讓玩家玩得夠盡興。

與此同時，玩家還可以約埋親朋好友，踢住波開Party，爽呀！

場內又增設兒童遊樂設施，包保大人細路都盡興而歸。

帝庭居主攻中小型單位，並且以實用面積四、五百方呎的兩房單位居多，物業實用率約76%，單位間隔方正見使。

中原分行經理潘健威表示，帝庭居由用家主導，所以盤源向來不多，加上近期受到新盤搶客，以及股市波動所影響，買家轉趨觀望，睇樓氣氛亦隨之轉差。

買賣拉鋸窒礙交投

同時，由於盤源少，業主叫價仍然硬淨，未如買家預期會大幅減價，議幅只有1至2%。另因買賣雙方拉鋸，致令屋苑交投淡靜，本月及上月均未錄成交。

潘氏續稱，該屋苑兩房交吉放盤有約4個，入場單位為3座低層H室，實用面積446方呎，屬細兩房單位，望內園景，叫價430萬元，同類型單位近期未有成交。