市場普遍睇淡閱兵後行情，雖然人行行長向外派定心丸，話股市調整大致完成，中證監又話研究制定指數熔斷機制，但A股只係威過一陣，昨日午後又再復跌，埋單滬綜指跌逾2%。睇嚟本周五違法配資戶要全部銷戶的限期前，A股仲會有沽壓。

改革概念股炒唔起

雖然昨日收市前已盛傳國企改革指導文件即將下發，但相關概念股冇大反應。執筆時，內地傳媒報道有關深化國企改革指導意見內容，其中會大力推動國有企業改制上市，包括整體上市。不過，眼前大量官股未知如何善後，投資者對A股的信心仍有待恢復，恐怕加快國有企業改制上市步伐，在年內難以快速展開，相關概念股炒唔起，事必有因。

淡市之下，康哲藥業（00867）股價連續第二個交易日反彈，重上9元樓上，收報9.03元，升5.99%。過去兩年康哲的業績表現理想，股價累積可觀升幅，至去年末季股價升抵15元水平遇阻，今年四月再次上衝15元水平後回落，之後就進入大調整，以近日低位7.78元計，累計跌幅已接近五成。理論上，近兩日的升勢，是極度超賣下的反彈行情，雖然市盈率已由高位回落，但如今中資股估值普遍大跌，更好的成長股，估值都要打折。

以康哲現價往績市盈率16倍計，今年預測市盈率14倍，相信8至9元水平乃主要支持區，只是反彈動力亦未必會太大，10元關阻力非輕，策略只宜在8至10元水平高沽低揸。