修讀Fashion Image Design的大專畢業生Kelly，自然要走在潮流尖端，留意身邊一切新事物，與社會接軌。上車置業的話題咁Hit，Kelly當然有留意，還說將來與另一半為築「愛巢」，甘願「慳啲使」兼去少些旅行。考慮到上車Budget只屬剛剛好，想住大埔的她其實可揀平價居屋，頌雅苑是區內上車較相宜的選擇，實用率高，自由市場價入場費約350萬元可揀交吉盤。

大埔頌雅苑是區內較平價的居屋之選。

大專畢業生Kelly希望在大埔區置業。

屋苑鄰近富亨商場，購物方便。

附近巴士總站有巴士線到九龍。

打扮入時的Kelly剛大專畢業，有做兼職Sales，雖然閒時懂得扮靚為自己「裝身」，不過仍算知慳識儉，「依家工餘時間有做Sales，平日唔算好大使，都會將賺返嚟嘅人工儲起一半。」Kelly又希望將來與另一半一起達成置業夢，想十年內有自己Dream House。「預算300餘萬元的買樓Budget都算合理，如果想快啲上車，盡量不花費購買奢侈品，最重要都要忍下唔好去咁多旅行，儲錢要緊。」

間隔實用 環境不俗

Kelly考慮到上車首期未必太充裕，將來住居屋都無所謂，「大埔區環境不俗，居屋樓價較易負擔，單位實用率高，各種條件適合上車。」環顧大埔區亦是居屋集中地，全區十多個居屋屋苑各有賣點，入場費最抵的算是頌雅苑。

雖然地點較為「隔涉」，毗鄰是富亨邨，出入大埔市中心及巴士總站略遠，需約十五分鐘步程，但勝在前往屋邨商場較近，另有街市、體育館及食肆，簡單的日常所需配套算是充足。而商場外側亦設有巴士站穿梭區內不同地點，另有一架巴士可直達尖沙咀，車程約四十五分鐘。

頌雅苑近山而建，自成一隅，單位可享翠綠山景或樓景。由於屋苑屬早年Y型的傳統舊式居屋設計，間隔靈活，實用面積300餘方呎的單位，可設計成兩房戶，實用兼易擺位。

保養良好 交投活

樓齡約二十四年的頌雅苑，雖然外觀離不開舊式的居屋格局，不過保養不俗，大堂及大廈走廊算是企理，加上自由市場入場費吸引，二手交投以區內居屋來說已算活躍。

利嘉閣高級客戶經理石家輝表示，頌雅苑每月均會錄二手成交，平均每月兩宗，以自由市場成交為主。現時貼市價的自由市場買賣放盤偏少，僅得三個，全屬細戶放盤，一個實用面積300餘方呎的兩房單位，交吉盤叫價350萬元，叫價合理，算是最平選擇。