新沙士爆發疑雲，打破港股高位橫行近兩個月的膠着狀況，昨日早市好友反攻力度已經有限，期指僅能在26,800點水平掙扎。

股權追蹤

到午後疑似本地首宗感染的消息畀淡友機會，一口氣將期指由26,826點，推到落26,287點，最後日市收報26,382點，較合理值26,438點低水56點之多。

多少可見，昨日無論就大市破位，或者純追逐疫情消息睇淡的炒家，在現貨收市無法完成交易，都轉向以沽期指作套戥，令期貨出現近日罕見的折讓情況。

多次提到，四月初至今的恒指大型上落區，26,732至28,588點宜守不宜破，蟹貨積壓下，後市要大升倍添難度，昨日藉新沙士恐慌破關，恒指低見26,573點，頸線失守，會先來個後抽，抑或短期快速補回26,247至28,588點裂口，技術走勢話唔到畀大家聽，不如睇政府快速測試結果，看是否一場虛驚！

毫無疑問，月初未平倉合約減少後，港股動力減弱的情況日趨明顯，歐美股市的弱勢，影響力較A股自顧自喪炒更甚，即市博反彈記緊要夠手快。