SUN MONEY：星級財演北上吸金絕招

為促進中、港兩地股市融合，港產股評人少不免要親身到內地拓展龐大商機。但要北上掘金，又豈止「識講幾句普通話」咁簡單？以下四位證券界猛男，外形路線不一，吸「粉絲」招式亦不盡相同。他們的掘金之旅又有哪些見聞、趣事？

吳家順認為，中港兩地投資者的心態不同。

潘鐵珊笑言，在高峰期需要一個月北上六次。

蘇沛豐指，滬港通通車後反而加劇券商之間競爭。

郭思治在微博只會作私人分享，更曾上載與蝙蝠俠車的合照。

潘鐵珊：穿梭達八年累積知名度

海通國際環球投資策略董事潘鐵珊入行逾二十五年，八年前開始北上掘金，早已累積知名度，近年更屢獲由內地網民選出的「年度最佳港股策略分析師」。但他指毫無壓力，「又唔係為個獎先做嘢」。

自滬港通去年十一月開通後，他更加忙於出席內地各個投資論壇或研討會，亦更多與本港上市的中資公司管理層接觸，高峰期需一個月北上六次，更笑言普通話已流利到被誤以為「同胞」。

回想起一次難忘的北上經歷時，他表示，「曾經同《貨幣戰爭》作者宋鴻兵同場交流，發現大家對事情睇法有唔同，期間擦出唔少火花，好享受呢個過程。」

鍾意搭的士易索料

潘鐵珊雖主力向內地投資者講解港股投資機遇，但他早於兩年前已開始研究A股，「因為覺得A、H股相關性大，及當時相信A股將見底」。

他又稱：「返到內地都好鍾意同的士司機傾談，因為係最快了解當地經濟同民生嘅途徑。最近都多咗司機同我講股票，佢哋會表現得好雀躍、對股市前景充滿憧憬，亦多咗留意港股。」

雖然現在留港時間相對多了，但即使在港的日子，他亦不忘每日更新各個博客和微博，用多個平台與內地投資者維繫、互動。

吳家順：專注分析拒絕名牌效應

專注基金管理業務的中國銀盛資產管理董事吳家順稱，北上工作後更體會到內地投資者信奉「名牌效應」，故難在內地闖出名堂。不過，他拒絕將自己包裝成名牌，寧願多花時間做研究、分析更實際。

在走訪中港市場後，他認為兩地投資者取態不同。「內地投資者會有多啲建議，覺得投資一定要贏。可能前幾年喺內地『買樓一定贏』嘅想法已植根佢哋腦海，及內地有太多（保本兼有回報嘅）理財產品。當隻基金賺20%，香港投資者或已好開心，但內地投資者會無動於衷。」

推介騰訊要識WeChat

所謂「入鄉隨俗」，在內地舉（酒）杯「談心」是常識，不論話題是否與投資相關。吳家順稱，曾因久不沾酒而不勝酒力，結果醉意滿溢、要同事扶着才可過關。但時至今天，多得內地朋友們的體諒和尊重，已沒有再鬧出此般「笑話」。

而除了酒之外，他與內地投資者的另一共同話題，正是其愛股騰訊（00700）。「佢哋本身都用緊WeChat（微信），所以（講起隻股票時都）容易啲溝通，引用相關例子時亦會更受落。」

蘇沛豐：走訪不同城市發掘客源

呼和浩特在哪裏？招銀國際研究部策略師蘇沛豐話你知，它是內蒙古自治區的首府！上周才剛到訪完江西省南昌的他稱，由於公司的內地分行網絡龐大，讓他有機會走訪中國大小城市，而呼和浩特，正在其「待走訪城市」的名單上。

蘇沛豐於一三年底加入該公司，期後便需不時到內地工作，「主要到分行為當地同事進行培訓，同時向內地投資者介紹港股，希望吸引更多人來港開戶買港股。所以其實（北上）同滬港通冇直接關係，滬港通通車後反而競爭大咗。」

主力營運電子平台

他表示，自港股於三月底起成交急增後，到內地工作次數更為頻密，因內地投資者比以前對港股有興趣，故更需要投資教育。「佢哋唔熟港股，所以我要多啲解釋A股同港股嘅分別。試過有人拎住幾個A股冧把問我點睇，我都會話自己無研究，如果係A、H股，咪順便同佢解釋其實H股抵啲，同佢講『買H股好過啦』！」

招銀國際目前有逾九成是內地客戶，可見內地客源對公司的重要性。不過，蘇沛豐並不打算刻意提高於內地的曝光率。「我覺得親身北上出席大小活動嘅滲透率唔高，反而電子平台更重要，所以我會專注啲、花多啲時間做節目錄影。」

郭思治：講座分析中港美股市

貴為公司「生招牌」的耀才證券市務總監郭思治，在港股大時代下，自然好忙。「以前一個月北上一次，滬港通通車後係忙咗，成日要出席講座。本身一星期都已經有好多投資講座喺分行舉行，試過星期六朝早講完Talk，即刻又要搭車返內地。」

他指，講座內容都以分析中、港、美股為主，即使內地投資者對A股已頗了解，但他們依然想知香港分析員對內地政策和股市的看法，「佢哋同香港股民唔同，少啲問『冧把』，多啲問外圍市況、資金流等。」。而兩地股民另一不同之處，是他們對止蝕的概念。郭思治稱：「股票跌，香港人會諗止蝕，但內地股民唔會走，因為覺得用錢買咗就係自己嘅」。