周一收市後，較預期遜色的滙控（00005）業績，使滙控股價在倫敦急挫，周一夜期以24,717點作結，但昨日早市，期指以24,788點開出，開市價比預期高，即市在24,700點樓下，連番測試即市支持後，亦擺出一副跌唔落的姿態，最後尾市挾高，日期以24,782點作結，成交達8.4萬張。

恒指期貨走勢

昨筆者開市於24,750點樓上放期指沽盤，結果以24,788點承做，由於市況尾段拗腰，跌幅收窄，暫時帳面得個桔，暫訂止蝕24,975點，但今朝早段可能受A股影響比較波動，淡倉會先擱下機械式止蝕的指示，如果尾市確認能夠企穩24,975點樓上，先會諗投降。

昨日恒指即市低位24,673點，又一次逼近10日及20日線24,640點及24,662點，多次逼近重要支持未見好友發力，使指數拋離調整危機邊緣，大市成交唔夠之外，A股復市表現難測，也是大戶未敢輕舉妄動的主因，講真筆者沒有十足信心。

但基於假期前後，港股低成交下指數被推高，A股復市，賭開高港股好消息出貨，甚至A股反高潮來看，值博率都較高，以半額入市，刻下無定向風市況，最緊要唔好畀自己太大心理壓力。