中證監呢次「神又係佢，鬼又係佢」，昨澄清查券商唔係打壓股市，加上周一美股假期休市，昨日期指高開唔多，以23,800點開出，之後在23,708點搵到支持，隨A股級級上。儘管午後A股一度倒跌，但無影響港期好友繼續推高防線。

恒指期貨走勢

期指尾市曾挑戰兩萬四點阻力不果，收報23,969點，高水18點，成交5.3萬張，國期收11,715點低水27點，成交10.1萬張。恒指及國指分別升212點及265點收23,951及11,741點，主板成交回落至884億元，昨日技術反彈味道極濃。

期指全日在周一的23,604至24,147點上落區間內徘徊，加上成交回落，不能太早確定是超短線見底抑或技術反彈，市況處待變形態，期指客宜留意現貨指數在回補周一24,049至24,086點下跌裂口後的反應，假如觸及後再偏軟，昨成功博反彈的好友，唔好為粒糖輸間廠，要止賺離場。

昨滬綜指雖反彈，不過與周一7.7%股災式跌幅相比，回升幅度有限，技術上10日線已開始掉頭向下至3,264點，與20日線3,214點距離不遠。假如沒有戲劇性的逆轉，日內出現熊叉轉勢的機會存在，短期調整可能未完。