臨近年尾,又係發展商埋數計吓成績嘅日子。新世界(00017)今年暫已賣出咗3,768伙(包括合作項目),連埋售出車位套現咗超過220億元,又創歷來新高紀錄。集團出年食住個勢部署開售七大新盤,涉約2,136伙,當中旺角SKYPARK同元朗柏有機會上半年率先登場,重頭盤西貢THE CLEARWATER BAY料下半年開售。

溱柏剛獲批滿意紙,項目住客會所設施完善,包括宴會廳及室內、外泳池等。

新世界今年售樓套現逾220億元。左二為新世界營業及市務總監楊文。

新世界明年主要推售新盤

今年一手交投暢旺,各大發展商賣樓成績相當標青。劉Sir昨日同新世界老友敍舊,當然唔放過機會打探佢哋公司今年賣樓嘅豐碩成果。

溱柏預計下月收樓

原來年初至今佢哋已經賣出咗3,768伙,套現逾220億元,其中貢獻最大應該係同會德豐地產合作嘅西南九龍GRAND AUSTIN,項目至今賣出690個單位,連埋賣出車位,以集團自佔權益計,單一樓盤已為集團套現近80億元。

至於旗下元朗大型新盤溱柏,今年都賣咗567伙,累售1,520伙,套現逾71.6億元,樓盤啱啱獲批滿意紙,料下月出信畀業主開始收樓。

昨日老友就特登安排部分傳媒友好率先參觀現樓單位同會所,其中實用面積951方呎嘅第5座25樓A室四房大宅,大廳空間感令人留下深刻印象。

至於面積廣達4.8萬方呎嘅會所,提供宴會廳、室外及室內泳池等設施,聽講呢個會所仲係新世界執行董事兼聯席總經理鄭志剛有份打造。

SKYPARK柏料頭炮

明年大計方面,新世界出年部署開售七大新盤,上半年料將先推出SKYPARK或柏,兩盤分別提供439與141伙,前者主打開放式及一房細單位,實用面積料約300方呎起,項目其中一個特點係會所設喺頂層。

而柏售價料參考同系區內溱林二手做價,溱林最近錄得兩宗二手成交,其中10座頂層C室呎價10,728元,創洪水橋二手新高。

另外,新世界明年重頭盤THE CLEARWATER BAY,料下半年先登場。旗下多個港島盤出年都會出籠,西營盤德輔道西321號及西半山干德道55號項目,分別提供191及35伙,前者面積約300至600方呎,間隔開放式至兩房。