上星期中港股市係威係勢，睇翻上周突圍而出的股份，主要以大價股居多，二三線股仔在今次升浪中受惠較少，故本周初要留意有沒有「轉風向」。從板塊睇，筆者認為內地汽車股較大機會發力，主因油價持續回落及傳統上第四季是汽車銷售旺季，均增加板塊重估機會。

寶馬合營貢獻增

事實上，上周內地汽車股表現一般，周五升得最多兩隻為長汽（02333）及華晨（01114），筆者就較鍾情「有外國口味」的華晨，事關其華晨寶馬合營為集團貢獻良多，加上從月線圖睇，股價已跌至長期上升軌下方支持位附近，所以更值博。

華晨上半年純利升78.7%至36.27億元人民幣。雖則公司無公布第三季銷售數據，但德國寶馬早前公布的第三季業績顯示，來自聯營（主要是華晨寶馬）的貢獻按年升逾三成，加上華晨早前與寶馬的合資企業協議期限延長十年至二○二八年，增長前景更樂觀。

以現價市盈率計，長汽、華晨及吉汽（00175）分別約12倍、15倍及7倍，雖然華晨吸引力一般，但近幾年華晨寶馬銷量增速穩定，較其餘兩者要靠新車款推動銷量樂觀，建議逢低買入，目標14.5元，穿11.9元止蝕。