九龍灣除了是工業區之外，原來一家大細在區內購物消閒，玩樂一整天亦絕對無問題。若一家人想大玩特玩，九龍灣的大型商場最啱小家庭共享親子樂，溜冰、玩波波池，輕輕鬆鬆玩足全日。「近水樓台」的德福花園可謂最就腳，現時兩房戶入場費538萬元，小家庭隨時出發去玩。

九龍灣德福花園以交通便利及單位高實用率見稱。

小朋友學識溜冰後可「升呢」玩冰球。

九龍灣國際展貿中心不時舉辦展覽。

齊齊在波波池大玩特玩，一家同樂也！

社區配套評分

德福花園評分

德福花園是區內老牌屋苑，規模龐大，21座物業提供近5,000個單位，主攻兩房單位。雖然樓齡超過三十年，但因屬鐵路上蓋物業交通具優勢，加上實用率達八至九成，又有大型商場，多年來成功留住用家芳心。

馳騁溜冰場夠刺激

屋苑只設屬會員制的私人會所，有泳池及健身室等設施。而基座設有大型購物商場，消閒娛樂購物兼備。不過，想一家人都滿載而歸，九龍灣工業區有好幾個大型商場可享受親子樂。

這類商場提供一站式幼兒及兒童玩樂設施，是一家大小放假的好去處。

有些商場設有全港最大溜冰場，一家人手拖手在冰上滑行好玩又刺激，如果嫌「死板」，學識溜冰後，還可以「升呢」玩冰球，五歲以上的小豆丁可以「落場」，在冰上滑翔運球，有益身心又有型！

想一家人大玩特玩，可以去室內兒童遊樂場，佔地近1.1萬方呎，可同時容納400人。這間PLAY HOUSE有人見人愛的「波波池」，「大大份」的爹吔媽咪「落池」同小朋友玩都無任歡迎，一家同樂也。

行遠一些，九龍灣國際展貿中心亦啱家庭客暢遊，去Star Hall除了睇演唱會之外，場館不時有特別活動展出，例如即將來臨的聖誕節就有小朋友最愛的充氣玩具玩，包括老虎等大型充氣公仔，更可以挑戰自己，參與充氣障礙賽。

兩房放售 30個吉盤

利嘉閣高級經理黃智傑表示，個別屋苑業主受佔中影響，叫價回軟，由零議價轉為提供1至2%的議價空間。目前兩房交吉盤約30個，最平為M座低層4室，實用面積512方呎，附裝修，叫價538萬元，屬貼價盤。屋苑上月錄7宗成交。

兩房租盤則有28個，最平為U座中層10室，實用面積519方呎，望開揚市景，企理裝修叫租1.45萬元，略低於市價。屋苑上月錄23宗成交。

德福花園小檔案

地址：九龍灣偉業街33號

樓齡：32至34年

座數：21座

單位數量：4,991伙