上個禮拜五晚美股大升，但尋日港股卻係開得高，差不多收Daylow，恒指高開216點之後，一度衝上23,290點，但高位承接力不足，之後愈升愈少，最後只係升得47點，收報23,070點，較全日低位23,052點高18點，國企指數則表現較佳，升61點，以10,295點收市，全日主板成交金額530億元，靜到不得了。

滬港通開通只屬遲早問題，券商股盈利前景仍然樂觀。（資料圖片）

中信証券（06030）

券商預測中信証券業績（人民幣）

阿莊100萬元投資組合

美股近日大上大落，而「滬港通」幾時開車又遲遲未有消息，港股都好難升得起。不過睇番走勢圖，恒指近日雖明顯受制於250日線水平，但波幅愈收愈窄，睇嚟隨時會有突破，只係唔知爆上定爆落。

港口股未宜高追

尋日港口股有追捧，廈門港務（03378）升7%、天津港（03382）升近5%、大連港（02880）亦升3.58%，主要是消息指，由發改委、外交部、商務牽頭編制的「絲綢之路經濟帶」和「21世紀海上絲綢之路」總體規劃，已於今個月上旬上報國務院，未來憧憬會有更多政策出台，難怪相關港口股有追捧。

不過係睇番港口股五月至今，累積升幅已經唔細，如果現水平先追入，似乎風險同回報唔成正比。

至於尋日推介的萬洲國際（00288），股價升3.1%，以6.3元收市，貼近20日線水平，相信短期大機會再度挑戰50日線阻力6.48元，如果有聽阿莊講上咗車，不妨繼續持有。

滬港通能夠在十月開通的機會，看來已愈來愈細，惟證券股昨日未有因此受壓，其中中信証券（06030）升2.3%，以18.58元收市。

雖然滬港通有機會延遲開車，但阿莊認為未嘗唔係好事，如果兩地交易所有更充裕時間準備，做好事前功夫，總好過草率開車，到時問題多多，影響投資者信心，到時更加得不償失。

事實上，滬港通開通只係遲早問題，若然開通後能夠帶動兩地股市交投，長遠對提升證券行業的收益有正面幫助，所以實在毋須急於一時。

近日中信証券雖然隨大市調整，但股價往往跌至250日線水平就有反彈，相信短期仍會在17.5元至19元水平整固，建議可在17.5元附近水平逢低買入，初步阻力在20元關口。

滬A報價快而準

滬港通開通在即，「東網Money18」已設有滬港通專頁，並有滬A報價及專家評論，可讓讀者掌握最快最新市場資訊，萬勿錯過。