魚缸Blogger：中國手遊小注跟炒

除從事移動網絡遊戲業務外，中國手遊亦都提供資訊科技服務、借貸業務、以及證券及投資業務等。去年十月開始體檢業務，公司上半年收入增近八成至9,111萬元，惟虧損擴大至1,076萬元，原因係期內可供出售投資公允值虧損2,159萬元、體檢業務虧損262萬元，同埋縮減資訊科技硬件產品業務規模。

成績表唔多靚仔，但佢股價並未因此受壓，反而由六月起一級級上，上周五勁升13.6%，以0.242元收市，即市創出0.25元的一年新高。隨內地網絡遊戲規模極速膨脹，而移動遊戲市場佔比亦愈來愈高，中國手遊於次季開始搞移動遊戲業務，如增持盛八股權、認購蠻錘業務等，加上公司將會逐漸減少非核心業務，未來有望恢復盈利增長。