期指攻略：走勢轉弱好倉止蝕

恒指50日線已上移至24,424點，由於五月中港股轉弱之後，指數未曾失守於50日線，技術上是不容失守，否則可能進一步迫使好倉冚倉盤湧現，推低大市。

美元轉強，加上八月初開始，流入港元區熱錢有收斂迹象，是港股升勢失去燃料的客觀因素。本周二、三美國議息，預料此前市場博反彈的興趣可能更為疲弱，唔打算阻人發達，看官若見50日線失守即市追沽，但宜日日計數，不持倉過市。

原因一來是今浪由25,362點見頂至今，短短幾日回吐幅度唔細，隨時會有技術反彈出現，其次阿爺講到明十月滬港通必然開車，亦都會燒串大炮仗賀佢一賀，一旦之前任何左右股市政策出台，例如近日經濟師賭全面降準或減息機會正在升溫，隨時殺淡友一個措手不及。