新盤出籠隨即「震散」同區二手市，過去兩日將軍澳二手睇樓量急跌30至50%，同區居屋景明苑低層戶，更要低市價5%售274萬元；而九龍站二手睇樓量更暴跌至少70%。

香港置業冼國章稱，買家蜂擁參觀新盤，將軍澳各屋苑過去兩日二手睇樓量，下跌約30至50%不等，部分屋苑仍「交白卷」，區內二手盤萎縮，料增加買家入市一手盤意欲。

景明苑低5%速沽

世紀21將軍澳黃永佳稱，景明苑C座低層5室，實用面積401方呎，放盤不足一周已獲七組客睇樓，終由區內上車客即睇即買，自由市場價售約274萬元，實用呎價約6,833元，低市價約5%，單位約四年間升值逾兩倍。

即使區內藍籌，利嘉閣稱，新都城1期本月暫錄約4宗買賣，屋苑6座低層H室售589萬元。業主急沽貨，中原稱，同區峻瀅2座中層A室，額外印花稅「鬆綁」即售523萬元，實用呎價約7,096元，約兩年僅升值約8%。

九龍站方面，利嘉閣張俊傑稱，過去兩日九龍站屋苑二手睇樓量跌至少70%，缺盤下暫未見業主大幅劈價，區內本月暫錄約12宗二手買賣，料二手交投續被冰封。