炒地緣政沿風險，喺過去幾年時有所聞，今次似乎氣氛真係緊張。美國十年期債券又有追捧資金，債息再創今年新低，而日圓亦有資金湧入，有分析指擔心西方凍結俄羅斯資金，所以都將資金喺英國及歐洲調走，令歐元及英鎊都持續弱勢，反而傳統黃金唔見太多入追捧。

澳元兌美元走勢

另一個值得提的貨幣係澳元，上周的貿易赤字已經連續三個月錄得龐大赤字，而失業率更令人意外急升至十二年新高，創新高唔緊要，但數據係○七年以嚟首次高於美國失業率就大件事，而就業人口亦意外下跌，都令市場大失所望。

轉炒聯儲局加息

不過，失業率升可以係好現象，因為就業參與率亦有上升，反映多了人願意重投勞工市場，而澳元自數據一公布立即急跌，不過跌至0.92水平亦見支持。但面對礦業投資前景不明朗，澳洲央行立即於上周五下調經濟增長，亦下調通脹預期，並暗示息口應維持不變機會極高。

由於市場開始轉炒聯儲局加息，若澳央行加息希望幻滅，相信澳元亦難有大升動力，未來一段日子雖未致於大跌，短線或續於0.92至0.935整固，除非聯儲局出乎意料未有於下周四央行年會提及加息時間表令美元急挫，否則仍以買入美元為主，預期美匯指數將最終突破81.70機會高。