港島豪宅需求一向好大，年底前就有幾個項目計劃推出搶吸購買力。好似新世界（00017）嘅天后廟道18號A新盤THE PAVILIA HILL，劉Sir就八到項目啱啱獲批預售，發展商依家正全速籌備樓書同示範單位、售樓處，市場估計最快九至十月可以攞出嚟賣。而項目主打實用面積約1,000至1,500方呎三、四房大宅，據聞定位會參考跑馬地禮頓山。

THE PAVILIA HILL由五座物業組成，共提供逾三百五十個單位，為區內近年罕有大型新盤。

新世界楊文。

據了解，THE PAVILIA HILL係新世界繼大坑春暉8號之後，港島區最新重頭嘅豪宅新盤，今次項目同樣會用玻璃幕牆設計，部分會有獨立私家電梯大堂。

成個盤由5座住宅組成，總共有358個單位，係區內近年罕見具規模新盤，會主打實用面積約1,000至1,500方呎嘅三、四房大單位，另外都會有少量兩房細單位，預計二○一六年三月三十一日落成。

近排市場啲豪宅新盤去貨速度唔錯，所以新世界現時都加緊籌備THE PAVILIA HILL嘅樓書，而設於中環嘅售樓處將會有1至2個示範單位。

豪宅新盤下半年交鋒

由於同區已經好多年未有大型新盤登場，項目定位主要參考禮頓山等大型豪宅屋苑。而禮頓山今年錄得嘅二手成交中，成交實用呎價約莫介乎約2.9萬至3.5萬元。同系西環EIGHT SOUTH LANE昨日再賣咗7樓C室，成交價596.1萬元，成個項目已經套現逾2.1億元。

而喺年底前，港島區有幾個新盤有機會推出，除咗啱啱獲批預售嘅THE PAVILIA HILL之外，仲有太古地產（01972）西半山瀚然、新地（00016）筲箕灣項目，同埋九倉（00004）等山頂聶歌信山道項目。

珒然賣9235萬創指標

講開豪宅新盤，太古地產嘅西半山珒然又錄到項目新高價，昨日賣出嘅35樓單位，實用面積2,182方呎，連車位成交價達9,235.69萬元。

另一方面，房協筲箕灣樂融軒最後兩個分層戶昨日都賣埋，依家成個盤只係剩番兩個特色單位可以賣。

港島天后THE PAVILIA HILL小檔案

物業座數：5座

單位數量：358伙

主打單位：三房及四房大單位

主打單位實用面積：約1,000至1,500方呎

其他單位：兩房及特色戶

預計落成時間：2016年3月31日