粵運交通(03399)喺昨日收市後發盈喜,預期截至六月底止六個月淨利潤增長五成或以上,在資源優化下,業績保持驚喜,尋日股價率先破位,以接近全日高位3.63元收市,升幅6.7%。

粵運主要在廣東省提供綜合運輸物流服務,公司自一二年底起已與母企完成資產互換,賣咗智能交通服務,加上營改增的影響,去年收入倒退6.7%至61.6億元人仔。不過,期內純利增長87.3%至1.3億元人仔,原因係佢增加使用LNG車輛令成本下降、增加服務區數量,同埋打擊沖卡逃費車行動。

另外,粵運逐步轉型至「地產+貿易+物流」的業務模式,材料(如鋼筋、水泥及瀝青)物流服務收入佔比由前年的48%,升至去年的52%,其次為35%的汽車運輸及配套服務,充分利用資源優勢。

走勢上,粵運股價昨日在大成交下突破三個半阻力,即市創出3.65元的一年新高,食住物流機遇,跟炒上望4蚊關。

粵運交通(03399)

阻力位:4.00元

支持位:3.16元