大市升到有些少自動波,昨港股再下一城,恒指升211點收24,640點,總成交進一步增至890億元,從大市成交配合市況向上,真係牛市莫估頂,大家要接受。

恆指期貨走勢

今年一直持貨不足的基金,急急填滿倉底的形勢,即將結算的七月期指,昨日日市收24,630點,八月收報24,599點,較合理低水10點及高水14點,成交分別有6.28萬及4.52萬張成交。

今浪大市由過去兩年無人問津的低估值重磅股,主要係內銀、內險及電訊類股份,尤其昨日,整體股份升跌,唔算得上一面倒,上升股份僅較跌的多一成左右,即使是指數看似十分超買,但距離升市尾聲,雞犬皆升似乎又未係時候,由此判斷,25,000點心理關口,短期內被攻陷機會唔細。

23,400點開的好倉,已提早轉落八月合約,昨日恒指及七月期指即市高位24,666及24,683點,距離1.236目標24,813點已十分接近。當然,怕結算前後會較反覆,希望部分好倉先食胡,尋日八月期指早市受制於24,475點,午後突破升勢才明顯擴大,似乎可以用作今明兩日的止賺位看待。